Cunqueiro, o Seminario e a Academia Galega, por David Corra Díaz

Era primavera, verdeaba o piripol nos tellados de Mondoñedo e o cuco alegraba as mañás enseñorado no bosque de Silva. Nunha desas mañás lía o discurso de entrada na Real Academia Galega o novo académico numerario Álvaro Cunqueiro no salón de actos do Seminario de Santa Catarina. Era o 21 de abril de 1963 e nunca a Real Academia Galega celebrara un acto así fóra da súa sé, e tivo que ser en Mondoñedo e no Seminario ateigado de xente vida de distintos puntos do país e coa presenza dos seminaristas que tiveron a honra de asistir a un acto cultural tran relevante. Desprazáronse a Mondoñedo parte dos membros da Academia e outros enviaron a a súa adhesión En lugar preferente o bispo D. Xacinto Argaya, gran amigo de Cunqueiro, e diversas autoridades civís.

 

Os Tesouros de Galicia

 

Ante o presidente, Martínez Risco, o secretario e tesoureiro da corporación académica iniciou o seu discurso un dos mellores fabuladores da nosa cultura, que principiou loando ao gran poeta Cabanillas que deixara a cadeira que el agora ía ocupar. O tema non era outro que o mito dos resouros tan arraigado na imaxinación da xente e tan desenvolto na literatura máxica popular na que Cunqueiro se mostrou verdadeiro mestre; afección que alimentara desde neno coas historias contadas no círculo familiar e aumentara despois na escoita apaixonada dos paisanos que se achegaban á botica de seu pai, a barbería do Pallarego ou conversando con eles de vagar en plena rúa.

Tesouros novos e vellos

 

“Polo prometido en Mondoñedo ao meu bispo e señor Dom. Jacinto Argaya Goicoechea, o día da miña recepción académica quero escribir aquí a máis cordial e agradecida das dedicatorias.” Así escribe D. Alvaro no comezo do libro Tesouros novos e vellos que recolle o discurso do novo académico e a resposta de benvida do seu conveciño e amigo D. Francisco Fernández del Riego que despois de describir o perfil humano de Cunqueiro fixo un repaso pola creación literaria do escritor – poética, narrativa e teatral – para rematar loando a erudición e o sentido máxico desenvolvido polo novo académico mindoniense. .

 

Cunqueiro e o Seminario.

 

Dentro do variado escenario que compón a súa querida cidade natal non falta nos seus artigos periodísticos a alusión ao Seminario Desde fóra polas ventás enreixadas ten escoitado a declinación latina en voz de tiple ou os versos en exámetro do profesor D. Francisco Fanegor. Así o podemos ver no artigo Las Flores Latinas ou nestoutro artigo de El Envés falando de As Sa Lucas

“Ya tengo dicho cuan bello y perfecto me parece que se venda el barro bien vidriado y antiguo al pie mismo de las aulas donde suenan las flores latinas. A través de las enrejadas ventanas los que leen a Virgilio y Horacio pueden ver el mercado, como lo contemplarían Pastor Díaz,Noriega Varela o Iglesias Alvariño.

 


O cantar das Curuxeiras

 

Non podía faltar neste singular evento o agasallo do seu amigo e barbeiro de cámara O Pallarego, musico, musicólogo e director da agrupación El Eco e máis tarde da Rondalla Mindoniense. Na súa barbería falábase e discutíase de todo; entre músicos a polémica chegaba a límites moi estritos de afinamento para dilucidar en que nota cantaba o grilo e en cal soaba a frauta do sapo.

Para esta ocasión Manuel Ledo Bermúdez, Pallarego, recolleu un canto típico dun barrio preto da cidade e rimouno para homenaxear ao amigo Cunqueiro..

 

  Veño de vela do alto

  a vila de Mondoñedo.

 Veño de vela do alto

 pola mañanciña cedo

Camiños me levan,levan,

camiños me van levando,

tamén eles me han traguere

a Mondoñedo cantando.

Ábrelle á vila as portas

miña galana,

ue che traigo do monte

unha alborada.

Chegareime cantando

baixo baixiño,

cal si esperta na noite

un paxariño.

 

Álvaro Cunqueiro recibe la Medalla de la Real Academia Galega de manos de su presidente, Sebastián Martínez Risco
Álvaro Cunqueiro recibe la Medalla de la Real Academia Galega de manos de su presidente, Sebastián Martínez Risco

Sé el primero en comentar

Dejar una contestacion

Tu dirección de correo electrónico no será publicada.


*