Os xornais lucenses ocuparonse estes días do premio otorgado ao xornalista Germán Castro Tomé, Man Castro, compañeiro noso, do curso 1954, membro do comité organizador da homenaxe ao Seminario de Mondoñedo e un dos impulsores desta páxina web.
A Asociación Socio-Cultural Lareira de soños dos Vilares (Guitiriz, Lugo), promotora deste galardón, fixo pública unha nota na que expresa o acordo de dedicar a sexta edición (2021) ao xornalista Germán Castro Tomé, Man Castro. Entre outras consideracións, o comunicado salienta:
“Recoñecemento das voces silenciadas”
“O premio Trapeiro de Honra foi concebido como un recoñecemento ás voces silenciadas do rural, as persoas e entidades que co seu traballo silencioso constrúen a nosa historia dende o anonimato e a humildade. Leva o nome de TrapeirX de Honra por ser o de trapeir@s e farrapeir@s un oficio humilde moi arraigado na parroquia chairega dos Vilares e que foi cantado por Fuxan os Ventos e fonte de inspiración dun fermoso romance de Marica Campo e diversos artigos inseridos en varias publicación, como exemplo desas persoas que fan avanzar o mundo sen pedir nada a cambio máis que a felicidade da súa xente, que somos todos e todas; así, o poeta do Vilariño, o poeta das cousas pequenas, Xosé María Díaz Castro (2014), puxo Os Vilares no mundo, a Romaría Labrega (2015) amosou varias décadas o orgullo do que somos, da etnografía chairega, Pepe de Cristos (2016) representa a aqueles músicos da posguerra que deron alegría nas aldeas en tempos escuros de necesidades e sofremento, Asunción dos Ares (2017) ás mulleres loitadoras do rural, Raúl Río (2018). exemplo de emigrante integrado na terra que o acolle pero que leva as súas raíces con él a onde vai e Sara das Reixas (2019) muller emprendedora e independente en momentos nos que era casi impensábel. No 2020 o premio quedou suspendido pola pandemia.
Ferrolano y seminarista
Colaborador da “Lareira de soños” e un dos fundadores da NPG Nova Poesía Guitirica, Man Castro foi tamén o prologuista do libro Lareira de soños, de Pastora Veres. O premiado recibirá, en data por concretar, unha peza elaborada pola artista Viki Rivadulla.
Man Castro -sigue a nota oficial- naceu o 28 de abril de 1944 en Esmelle, Ferrol (A Coruña). Curmán do poeta Xosé María Díaz Castro, toda a súa familia procede das estirpes de Camuza e Os Manchás dos Vilares.
Cursou estudos de Latín, Humanidades e Filosofía no Seminario de Mondoñedo (1954-1961). Tras deixar a carreira de sacerdote finaliza o Bacharelato Superior en Ferrol e cursa estudos de Maxisterio na Coruña. Desde moi novo vincúlase ao xornalismo como amateur, exercendo como correspondente de La Voz de Galicia e Ferrol Diario, así como coordinador da área de deportes para a zona de Ferrolterra en El Ideal Gallego.
fecundos anos ferroláns
En novembro de 1974 inicia a súa traxectoria profesional no Ferrol Diario. Pouco antes de que o rotativo ferrolán -que na última etapa lucía a cabeceira El Norte de Galicia– pechara, causa baixa voluntaria e pon en marcha unha delegación do Faro de Vigo, que desempeña entre 1981 e 1983, ano no que pasa a formar parte da redacción da delegación ferrolá de La Voz de Galicia, na que permanece ata 1999, cando é chamado para fundar e dirixir Diario de Ferrol, auspiciado polo Grupo La Capital.
Ao longo da súa traxectoria profesional, que exerceu sen moverse de Ferrol, foi correspondente de La Región de Ourense, El Paíse Radio Nacional de España (RNE), así como critico deportivo da desaparecida Hoja del Lunes da Coruña.
Desde o seu posto de director de Diario de Ferrol, puxo en marcha Nordesía, suplemento dominical cultural, abriu o museo “Xornalismus” e implantou os «Premios Diario de Ferrol», que se entregaban anualmente coincidindo co aniversario do rotativo local. Foi tamén o impulsor do «Foro Ferrol Futuro», tribuna de debates e conferencias, coa colaboración da Universidade da Coruña.
Promotor do Club de Prensa de Ferrol
Paralelamente ao desempeño da súa profesión de xornalista, Germán Castro Tomé, xunto con outros profesionais ferroláns, promoveu (1987) a creación do Club de Prensa de Ferrol. Co aval desta entidade, fundada con fins lúdico-culturais, entre outras iniciativas lanzou e dirixiu ata 1999 a revista de pensamento e cultura FerrolAnálisis, o certame de fotoxornalismo galego «Galicia en Foco», a «Revista Oral» (xornalismo falado) e o «Curso de Pensamiento Español Contemporáneo Carlos Gurméndez», neste caso apoiado pola Universidade da Coruña. Actualmente é presidente de honra da citada asociación.
Está en posesión, entre outros, dos seguintes premios: Fundación Luis Tilve (UGT/1990, polo traballo «Las relaciones entre partidos y sindicatos en las sociedades democráticas europeas»), Fundación 10 de Marzo (CC OO/1999 «polo seu compromiso co rigor informativo e a defensa do pluralismo político así como a recuperación da memoria histórica de Ferrol»), premio a unha traxectoria de Diario de Ferrol/2011 e Premio Diego Bernal/2013 da Asociación de Xornalistas de Galicia. Á súa xubilación recibiu diversas distincións e homenaxes de institucións e entidades veciñais, deportivas e culturais. A biblioteca de Esmelle, a súa parroquia natal, á que regalou mil cincocentos volumes, leva o nome deste xornalista.
Actualmente explora o xornalismo dixital como columnista nos medios Mundiario e Galicia Digital, dirixe Contraposición. República de las ideas”,ademais de desenvolver actividade como blogueiro: deferrolparaelmundo.blogspot.com. Tamén ten contas activas en Twitter, Facebook e Instagram.
Man Castro -remata a nota da Asociación Socio-Cultural Lareira de soños- é o exemplo perfecto da persoa comprometida coa sociedade, xornalista de raza que leva ademais por onde vai o orgullo das orixes dos seus ancestros, un vilarego nacido en Esmelle e con sangue chairega nas súas veas”.
Nota de la web
Man Castro vive su jubilación como un segundo emprendimiento: pisa los talones a la actualidad, fustiga las travesuras de la sociedad, investiga, rastrea archivos y tiene ya camino de la imprenta una segunda parte de su popular anecdotario ferrolano. Para algo más adelante quedan dos ambiciosas biografías.
German define bien al exseminarista que sigue las senda de la cultura humanista germinada en las aulas mindonienses. Su altura profesional (periodista de noticia, gestor de equipos, visión empresarial) nos enorgullece a todos. Don Francisco Fanego le hubierra otorgado un “meritissimus” (o “meritissima”) a su vida.
Dejar una contestacion